عدد شهر أغسطس
عدد جاااااامد جدا
حاتلاقي عندنا في العدد الجديد ده موضوعات تهم كل واحد مننا
في الإفتتاحية بنتكلم عن الشيزوفرينيا السياسية و إزاي الشعوب بيجيلها المرض ده
و في ملف العدد بقى فتحنا الشهر ده ملف التعليم في مصر ، و كأننا فتحنا على ميّت ، لقينا حاجات مفزعة ، بنتكلم عن الثانوية العامة و الدروس الخصوصية والفساد التعليمي و بنناقش سياسة الدولة في التعليم و حتى بنرصد ظاهرة إنتحار طلاب الثانوية العامة و الإختلاط في المدارس و عاملين تحقيق و حوارات مع الشباب عن جدوى التعليم و طبعا مانسيناش البحث العلمي و التعليم العالي
و في باب آراء مستقلة بنتكلم عن فاروق جويدة و كمان صفقة تبادل الأسرى بين حزب الله و إسرائيل و كمان بنشوف إيه الحكايات الغريبة دي إللي بتتقال عن موت أشرف مروان و علاقتها بحرب الجواسيس و كمان بنرصد ظاهرة إنشغال الآباء عن الأبناء و بنشوف موضوع الوقود الحيوي ده إللي حايخلينا نمون العربيات بطاطا و عندنا كمان أغسطس فلاش باك
و عن النت و التدوين عملنا حوار جامد مع أحمد الصباغ صاحب مدونة خالو أحمد الصباغ و كمان بنكمل حلقات البرنامج الإزاعي الشهير أنت تسأل و الكمبيوتر يجيب و قفشنا جروب رائع على الفيس بوك إسمة إسمع و إتكلم و إتكلمنا مع المسؤولة عنه كمان
و عن أحوال بلدنا الزميل محمد فرج نزل الشارع و عمل لنا تحقيق صحفي شامل عن تاكسي العاصمة و إتكلم مع السواقين و المشرفين و الزباين علشان نعرف هل المشروع ده ناجح ولا الله يرحمة و كمان عندنا موضوعات عن المصريين في إسرائيل و عن العبّارة و حكمها المخزي و كمان عن مراكز الثقافة الأجنبية في مصر و هل هي تنوير أم إثارة و قلة أدب و بنسأل متى ينصلح حال الشارع المصري ؟! و كمان بنتكلم عن تشريفة الوزراء و تعطيل الناس
و في باب علمي علمك بنتكلم من غير فزلكة و بنظرة علمية عن شيء لزوم الشيء
و في باب كاريكاتير بنضحك من قلبنا مع ريشة الفنان المبدع ياسر حسين
محررتنا نهال قاسم لفت كل الدوائر الثقافية الشهر إللي فات علشان ترصد لنا كل الأحداث الثقافية في تغطية شاملة عن مؤتمرات و ندوات و صالونات الأدب و الفكر في تميز ملحوظ و دائم
و في شغل سيما بنناقش ثلاث أفلام من العيار الثقيل و هما حسن و مرقص و فيلم كبارية و في شقة مصر الجديدة
و عندنا في إبداعات فنية قصيدة أنا لست غبيا و كمان قصة قصيرة بعنوان لحظة وداع و خاطرة الشك في اليقين
و في الرياضة بنشوف إيه حصل في بطولة ويمبلدون للتنس و اخطار مونديال 2010 و البلطجة في الإحتراف
و كلام ستات عندنا الشهر ده عن خل التفاح كلام كبير جدا و حانشوف أولادنا و مشاكلهم مع إجازة الصيف و كمان كوارث الخلافات الزوجية وتأثيرها على الأطفال
و في العدالة و القانون بنتكلم عن مدى قانونية توقيف البشير و كمان عن قانون الرقابه الإعلامية الجديد ، ربنا يسترها معانا و معاكم
مستنيينكم هناك . . على صفحات المجلة . . مجلة علّي صوتك
هناك 24 تعليقًا:
مبروك المدونة
و ربنا معاكم
و ان شاء الله تكون من المجلات المشهورة فى الوطن العربى كله
اولا احب اقول مبروك الف مبروك للمجلة
ثانيا يا بسمة انا بعت لك كذا ميل عشان اشارك في المجلة زي الاول ولكن الظاهر انك غيرتي الميل بتاعك او حاجة زي كدة
انتي عارفاني انا عبدالرحمن واكيد لسة عندك ميلي
ياريت تبعتيلي تقولي لي ازاي ممكن ارجع تاني
وكمان انا عندي كذا موضوع في كل المجالات مظبطهم من زمان وعايز ارجع تاني للمشاركة معاكم واعتذر عن الفترة الي غبتها
واحب اقول تاني الف مبروك وربنا دايما معاكم ومعايا
تحياتي
دمتم بخير
قوس قزح
الله يبارك فيكى
ربنا يوفقك
وشكرا على كلامك وبنتمنى المجلة تعجبك دايما وتزوريها دايما
خالص تحياتنا
abd-alahman
الله يبارك فيك
وأحنا بنشكرك على أهتمامك ده وبسمه هتبعت لك ميل ترد عليك
خالص تحياتنا
ربنا يوفقكم يارب
وتكون اجمد مجلة ان شاء الله
جميل الدعاية للمجلة بالطريقة دى
بالتوفيق
مجله رائعه فعلا
بالتوفيق
ونتمنى ان تفتح لتكون لنا بعض المساهمات
تقبلوا تحياتى
ودمتم متألقين
إن شاء الله بالتوفيق
وإلى الأمام دائماً
مع تمنياتي القلبية بدوام السير بخطى ثابته لتقديم ما هو أفضل والعدد اكثر من رائع وغني جدا ومتنوع بقدر كبير
خالص إمنياتي بدوام النجاح والرقي
وليد
nada
شكرا يا ندا على كلامك
خالص تحياتنا
موناليزا
شكرا على زيارتك وكلامك وبنتمنى المجلة تعجبك
خالص تحياتنا
طارق الغنام
شكرا على كلامك وعلى زيارتك وبتمنى المجلة تعجبك دايما
خالص تحياتنا
عارفة مش عارفة لية
أهلا بيك معانا وشكرا على كلامك وبنتمنى المجلة تعجبك دايما
خالص تحياتنا
مجهود طيب وياريت تفتحوا باب المشاركة فى مجلتكم.
بالتوفيق
اقوم انا و مجموعه من المدونين بعمل حملة لانقاذ اطفال الشوارع
التفاصيل هنا
http://awraqwasrar.blogspot.com/
نرجو اشتراك الجميع
بجد ممتاز
المجلة حلوة فعلا ..
ومواضيعها مهمة ..
ربنا يكلل مجهودكم بالنجاح
تقبلوا مروري..
تحيــــــــــاتي
السلام عليكم
نورتوا مدونتى ورفتونى بالزياره
وتمنياتى بتشرفكم لى دايما
وارجوا من الله العلى القدير انه يجعل مجلتكم من احسن المجلات فى الشرق الأوسط واشهرها كمان
تحياتى لكم جميعا
ويارب موضوعاتى تعجبكم وتنشروها لى هههههههههه
تحياتى لكل القائمين على المجله
ويلا كلنا نعلى صوتنا
nageh
حكيم النيل
اهلا بيك وبنتمنى المجلة تعجبك دايما
خالص تحياتنا
مصر يا موكوسة
شكرا على المبادرة الجميلة دى
خالص تحياتنا
ميرام
شكرا على كلامك وزيارتك
وبنتمنى المجلة تعجبك دايما
خالص تحياتنا
son of egypt
اهلا بيك وشكرا على كلامك وتشريفك لينا
وبنتمنى المجلة تعجبك دايما
خالص تحياتنا
بالتوفيق انشاء الله وياريت تشرفوني بالزياره على مدونتي المتواضعه
تحياتي
انا جاى اقولكم كل سنه وانتم طيبين وبالف خير
تحياتى
المحرر الصحفى عماد الدين يوسف
شكرا على كلامك وعلى زيارتك وبنتمنى تزورنا دايما
خالص تحياتنا
monken
وانت طيب وبكل خير
خالص تحياتنا
إرسال تعليق